HII HAPA ORODHA YA NYOTA WA YANGA HATIHATI KUIKOSA SIMBA KWA MKAPA

 

WAKATI leo Yanga ikiwa na kibarua cha kusaka pointi tatu mbele ya Simba kuna hatihati nyota hawa 8 wakaukosa mchezo wa leo.

Nyota hao ni:-Dickson Job beki wa kati anasumbuliwa na nyama za paja ila tayari ameshaanza mazoezi. 

Itategemea na maamuzi ya Kocha Mkuu, Nassreddine Nabi kuamua kumtumia ama la.

Ramadhan Kabwili kipa namba tatu huyu hayupo kwenye mpango wa mwalimu kwa sasa labda mpaka mechi zijazo.

Carlos Carlinhos kiungo mshambuliaji hayupo fiti baada ya kupata maumivu katika mchezo wa Kombe la Shirikisho dhidi ya Tanzania Prisons, Uwanja wa Nelson Mandela. 

Yassin Mustapha beki bado hajawa fiti kwa kuwa anatibu majeraha yake aliyopata akiwa na timu ya Taifa ya Tanzania. 

Tuisila Kisinda ana asilimia 50 kuanza kwa kuwa bado alikuwa na maumivu ya bega aliyopata hivi karibuni.

Mapinduzi Balama huyu bado hajawa fiti kwa kuwa alipata majeraha msimu uliopita kwa sasa amepewa program maalumu. 

Paul Godfrey beki na Wazir Junior ambaye ni mshambuliaji hawapo katika mpango kazi wa Nabi.