SIMBA KUKWEA PIPA MUDA HUU KUELEKA KENYA KWA AJILI YA KUWAFUATA KAIZER CHIEFS

 KIKOSI cha Simba kinachonolewa na Kocha Mkuu, Didier Gomes leo Mei 11 kipo katika hatua za mwisho za kukwea pipa kuelekea Kenya ambapo kitaunganisha kuelekea Afrika Kusini.

Simba ina mchezo wa Ligi ya Mabingwa Afrika hatua ya robo fainali dhidi ya Kaizer Chiefs ya Afrika Kusini.

Mchezo huo unatarajiwa kuchezwa Mei 15 na ile robo fainali ya pili inatarajiwa kuchezwa Uwanja wa Mkapa.

Gomes amesema kuwa anaamini mchezo utakuwa mgumu ila watapambana kusaka ushindi ndani ya dakika 90.

"Utakuwa mchezo mgumu kwa kuwa tunakwenda kucheza na wapinzani ambao wanahitaji matokeo, tunaamini kwamba itakuwa ni kazi kubwa ila tupo tayari," amesema.