USAJILI WA KIPA ARSENAL WAPONDWA KINOMA

 USAJILI wa kipa kutoka Sheffield United, Aaron Ramsdale ndani ya kikosi cha Arsenal umegubikwa na sitofahamu kutokana na wachambuzi wengi wa masuala ya soka kueleza kuwa ni moja ya usajili mbovu ambao utafanyika kwa hivi karibuni ndani ya kikosi cha Arsenal huku mabosi wa mchezaji huyo wakihitaji mkwanja mrefu.

Kipa huyo Ramsdale anatajwa kuwa chaguo namba mbili la Kocha Mkuu wa Arsenal, Mikel Arteta baada ya kukosa saini ya Andre Onana ambaye anakipiga ndani ya kikosi cha Ajax.

Dau la usajili wake linatajwa kuwa ni pauni milioni 30 jambo ambalo linawafanya wengi kuamini hapo Arsenal imepigwa kwa kuwa kipa huyo hana bahati ya kucheza kwenye timu ikafanya vizuri hata ambayo anatoka kwa sasa imeshuka daraja.

Licha ya nyota huyo kuwa kwenye hatua za mwisho za kukamilisha usajili wake, bosi wa timu hiyo Slavisa Jokanovic ameweka wazi kuwa huyo bado ni mali ya Shelfield United na dau wanalohitaji ni pauni milioni 100. 

"Mpaka sasa bado ni mchezaji wa United, na hakuna jambo ambalo limebadilika kwa muda huu," .