Julio kazini...
Kocha Msaidizi wa Simba, Jamhuri Kiwhelo haisi maneno,
vichekesho ndiyo usiseme, ana mambo mengi na ukikaa naye hauwezi kusinzia hatya
kidogo.
Hivi karibuni ikiwa ni siku moja kabla ya Simba haijaanza
safari ya kwenda mjini Bukoba kuivaa Kagera Sugar, Kiwhelo maarufu kama Julio
aliamua kueleza namna alivyolipata jina lake hilo la utani la Julio.
Julio alisema watu wengi wamekuwa wakidhani jina lake hilo ni
ujanjaujanja, lakini amepewa na mtu ambaye anaujua mpira vilivyo.
“Mimi bana watu hawajui, hili jina nimepewa na Alberto Perreira mwenyewe, huyu ni kocha wa
zamani wa Brazil kwa wale wanaojua mpira.
“Wakati nikiwa masomoni nchini Brazil, Perreira alikuwa mmoja
wa walimu wangu. Sasa tulikuwa tuna kipindi cha kupiga mipira. Tunawekewa magoli
halafu yeye anaelekeza upige wapi.
“Sasa mimi kila akielekeza napatia, kila akielekeza napiga
palepale, Perreira mwenyewe akasema wewe ni Julio. Ndiko nilikolitoa jina.
“Watu wanadhani nimejitunga tu, mimi Julio napenda vitu
tofauti halafu ni mpambanaji. Ndiyo maana unaona hata gari ile pale Mitsubish
naendesha mwenyewe tu hapa Dar, kama watu wapo ni wachache sana.
“Napenda vitu vizuri na tofauti, ndiyo maana unaona mambo
yangu ni tofauti sana,” anasema Julio huku watu wakiangua vicheko.
0 COMMENTS:
Post a Comment