KADI YA NANI, YAMPONZA FERGUSON, APIGWA FAINI YA SH MILIONI 22

 Kocha Mkuu wa Manchester United, Alex Ferguson amepigwa faini ya pauni 8,500 (zaidi ya Sh 22.1) kutokana na uamuzi wake wa kugoma kuzungumza na waandishi wa habari katika mechi ya marudiano dhidi ya Real Madrid kwenye Uwanja wa Old Trafford jijini Manchester.

Katika mechi hiyo iliyomalizika kwa Man United kulala kwa mabao 2-1, kilichomuudhi Ferguson ni kadi nyekundu aliyopewa kiungo wake Luis Nani.

Ferguson alikuwa akipinga kadi hiyo na mwisho akataka msaidizi wake, Mike Phelan ndiye akazungumze na waandishi.

Shirikisho la Soka la Ulaya (Uefa), lilikuwa likifanyia uchunguzi suala hilo na leo limetoa uamuzi wake na Ferguson amekumbana na adhabu hiyo.

Nani alipigwa kadi nyekundu baada ya kumrukia beki wa Madrid, Alvaro Arbeloa, lakini Ferguson akapinga kwamba mwamuzi Cuneyt Cakir kutoka nchini Uturuki hakuwa sahihi kuchukua uamuzi huo.

Kipigo cha mabao 2-1 kutoka kwa Madrid chini ya Jose Mourinho kiliindoka Man United katika Ligi ya Mabingwa Ulaya kwa idadi ya mabao 3-2 baada ya sare ya bao 1-1 katika mechi ya kwanza jijini Madrid.