OKWI APIGA DAKIKA 70, UGANDA YACHAPWA NA LIBERIA

Pamoja na kumchezesha kiungo mshambuliaji wake wa zamani wa Simba, Uganda ilishindwa kufua dafu dhidi ya wenyeji wake Liberia.

Liberia imeonyesha si timu ya mchezo baada ya kuichapa The Cranes kwa mabao mawili katika mechi iliyochezwa jana kuwania kucheza fainali ya Kombe la Dunia nchini Brazil.

Okwi ambaye sasa anakipiga katika klabu ya Etoile du Sahel ya Tunisia, alishindwa kuonyesha cheche zake na wenyeji wakafanikiwa kushinda.

Kocha Bobby Williamson aliamua kumtoa Okwi katika dakikia ya 70 na nafasi yake ikachukuliwa na Roberto Ssentongo ambaye pia aliwahi kukipiga Simba.

Pamoja na mabadiliko pia ya kumtoa Mosses Oloya na Patrick Kizzito na nafasi zao kuchukuliwa na Boban Zirintusa na Said Kyeyune, Uganda haikuweza kubadilisha kitu.

Liberia ilipata bao kila kipindi la kwanza likifungwa na Patrick Wleh katika dakika ya 36 na Anthony Laffor akafunga la pili katika dakika ya 50.