SHUGHULI NYINGINE YAWASUBIRI SAMATTA, ULIMWENGU JUMAPILI

Baada ya kuonyesha cheche zao, washambuliaji wawili Mbwana Samatta na Thomas Ulimwengu watakuwa na kibarua kingine Jumapili.

Samatta na Ulimwengu walionyesha uwezo mkubwa na kufanikiwa kuiongoza Stars kupachika mabao 3-1 dhidi ya Morocco Jumapili iliyopita.

Wawili hao watakuwa na kibarua kingine kigumu dhidi ya Saint Eloi Lupopo wakati watakapokuwa wanaichezea klabu yao ya TP Mazembe.

Mechi hiyo ya Ligi Kuu ya DR Congo inasumbiriwa kwa hamu kutokana na upinzani mkubwa wa timu.

Timu hizo zimekuwa na upinzani mkubwa kutokana na kuwa majirani, hivyo Samatta na Ulimwengu watatakiwa kudhihirisha tena kwamba wlaichofanya Dar es Salaam hawakubahatisha.

Mechi hiyo itaanza saa 9:30 Alasiri kwa saa za Afrika ya Kati, itakuwa saa 10:30 jioni kwa Afrika Mashariki.

Samatta amekuwa kati ya wafungaji wanaotegemewa katika kikosi cha TP Mazembe, wakati Ulimwengu anachukuliwa kama wachezaji wanaochipukia na faida ya baadaye.