BABA UBAYA AWA KIVUTIO KWA KASI

Beki mpya wa kushoto wa Simba, Rashid Idrisa maarufu kama Baba Ubaya, amekuwa kivutio kwa mashabiki wa Simba wanaojitokeza katika Uwanja wa Kinesi jijini Dar.

Baba Ubaya amekuwa na kasi na karibu kila wachezaji wanapoambiwa kukimbia, yeye hushika nafasi ya kwanza na mara chache ya pili.

Hali hiyo imefanya awe kivutio kwa mashabiki hao ambao humshangilia mara nyingi.

Pamoja na hivyo, Baba Ubaya amekuwa akipiga krosi za maana zinazofanya mashabiki hao kumshangilia pia.

Chini ya Kocha Mkuu, Abdallah Kibadeni, Baba Ubaya alikuwa kati ya wachezaji wapya waliowahi mapema kuanza mazoezi.