MADRID YATANGAZA PEPE HAUZWI

Pepe akiwa na Rais wa Madrid, Florentino Perez

Uongozi wa Real Madrid umetangaza kwamba hautamuuza beki wake wa kati Pepe.

Tayari klabu kadhaa zilijitokeza kutaka kumyakua beki huyo mtukutu baada ya kutocheza mechi nyingi za mwishoni mwa msimu ikionekana ilikuwa adhabu kwake.

Pepe alikumbana na adhabu hiyo ya kimyakimya kutoka kwa Jose Mourinho baada ya kutoa kauli ya kumtetea kipa Iker Casillas aliyekuwa na ugomvi na Mourinho.

Kupitia mtandao wake, Madrid imesema haiwezi kumuuza Pepe kwa kuwa anaendelea kutegemewa kuimarisha ulinzi.

“Pepe ameishataarifiwa na uongozi wa juu kwamba hatauzwa, hivyo hilo lieleweke kwamba ataendelea kubaki Madrid kwa msimu mmoja mwingine,” ilieleza sehemu hiyo ya taarifa.