MNIGERIA ASHINDWA KUWARIDHISHA YANGA, KUTUPIWA VIRAGO

 

OGBU (MWENYE JEZI YA KIJANI, BUKTA YA BLUU) AKIWA MAZOEZINI YANGA

Mshambuliaji Brenda Ogbu raia wa Nigeria anaonekana kukosa nafasi ya kuichezea Yanga na huenda akatupiwa virago.

Kumezuka mjadala ndani ya Yanga kwamba Ogbu anaonekana kuwa na majeruhi ya muda mrefu hali ambayo imewashtua Yanga.

Lakini pia ameshindwa kuonyesha uwezo hata katika mazoezi hivyo inaonekana hana nafasi.

Chanzo cha uhakika kutoka ndani ya Yanga kimeeleza Mnigeria huyo atatupiwa virago na kupewa ruhusa arejee kwao.

“Kulikuwa na mabishano tu kwa kuwa wengine wanataka apewe nafasi zaidi lakini inaonekana hata benchi la ufundi bado halijaridhishwa naye.

“Hali ilivyo yule Mnigeria tunafikiri ataondoka, yaani hadi sasa ni asilimia tisini labda itokeaa mtu awashawishi na kubadili uamuzi,” kilieleza chanzo cha uhakika.

Imeelezwa hata Kocha Ernie Brandts anaonekana kutoridhishwa na kiwango cha Ogbu ambaye ambaye ana profile kubwa mtandaoni kama mshambuliaji hatari kutoka Heartland ya Nigeria.