SIMBA YAMUINGIZA MUDDE KATIKA KUNDI LA WAKAOTEMWA, MGANDA, MSUDANI SAFARI YAWAKUTA

 

MUDDE (KULIA) AKIWA NA WAGANDA WENZAKE, ABEL DHAIRA NA MENEJA MOSES BASENA..

Kiungo Mussa Mudde ameingizwa katika kundi la watakaochwa na kikosi hicho na tayari ameanza mazungumzo ya kulipwa mafao yake.

Taarifa zinaeleza Mudde raia wa Uganda amekubali kuondoka Simba kama atalipwa mafao yake.

Mwenyekiti wa usajili wa Simba, Zacharia Hans Pope amethibitisha hilo na kuwataja wachezaji Hamis Buyinza kutoka Uganda na Msudani, Kun kuwa wametemwa.

“Msudani na beki Mganda wameishaelezwa lakini tuko katika mazungumzo na Mudde kwa kuwa tulikuwa na mkataba naye ili ikiwezekana tumalizane vizuri,” alisema.

Mudde ambaye alijiunga na Simba akitokea Sofapaka msimu uliopita ameshindwa kuonyesha kiwango bora.

Lakini yeye amewahi kusema tatizo lilikuwa ni majeraha aliyoyapata baada ya kutua nchini na kusisitiza msimu huu ungekuwa wake.

Kama watakubaliana na Simba, maana yake atakuwa ameshindwa kutimiza ndoto zake za kung’ara akiwa na Simba.