SIMBA YALETA BEKI MPYA MSAUZ, ATUA JIJINI DAR KIMYAKIMYA, AIZUNGUMZIA YANGA

MABUSELA (KATIKA) AKIKARIBISHWA SIMBA NA MANEMBE

Uongozi wa Simba umeendelea na kufanya majaribio kusaka beki bora wa kati katika kikosi chake.

 

MATSOBANE AKIHOJIWA NA KHATIM NAHEKA WA GAZETI LA CHAMPIONI

Beki huyo Vincent Matsobane Mabusela ametua jijini Dar es Salaam na kupokelewa na viongozi wa Kamati ya Utendaji ya Simba.

Danny Manembe ndiye alikuwa kiongozi aliyempokea Matsobane kutoka Black Leopard ya Afrika Kusini.

Kwa umbo si mchezaji mrefu au aliyejaa kimisuri, hali ambayo inaonyesha hana tofauti kubwa sana na Ssenkoomi raia wa Uganda ambao mashabiki wa Simba walimkataa kutokana na udogo wa umbo lake.

Akiwa uwanjani hapo,  Matsobane alisema anaijua vizuri Simba pamoja na Yanga kwa kuwa alicheza nazo mechi wakati timu yake ilipokuja nchini kucheza mechi za kirafiki msimu uliopita.

Akiwa nchini atafanya majaribio na Simba kwa wiki moja au mbili hadi jibu litakapopatikana.

Tayari Simba imeamua kuwapa nauli Mganda Hamis Buyinza na Msudani Kun, lakini pia inaonekana safari itawakuta Waganda wawili, Ssenkoomi na Mussa Mudde.

Simba imekuwa ikihaha kutafuta beki wa kati bila ya mafanikio na Matsobane hana umbo kubwa, badala yake Simba watategemea kasi na controo ya kutosha.

Matsobane hakuchukua muda mwingi uwanjani hapo alipanda gari na kuondoka na huenda akaanza mazoezi leo Jumatano.