SIMBA YAMUONGEZEA MKATABA JULIO, KIBADENI AWEKA NENO ILI ABAKI

  Klabu ya Simba imeamua kumuongezea mkataba kocha wake msaidizi, Jamhuri Kihwelo ‘Julio’.

Tayari Julio amekabidhiwa mkataba huo kwa ajli ya kuusoma na baada ya hapo atausaini.

Mwenyekiti wa Simba, Ismail Aden Rage amethibitisha kwa Julio kukabidhiwa mkataba huo.

“Kocha Mkuu Kibadeni amasema anamhitaji Julio, hivyo tutamuongezea mkataba na tayari tumeishamkabishi,” alisema.

Kwa upande wake Julio, alithibitisha kupokea mkataba huo ambao anaendelea kuusoma.

“Nikimaliza kuusoma, basi nitaendelea kufanya mambo yangu. Kwa kifupi kama nilivyosema, tayari tumekubaliana na uongozi wa Simba kusaini mkataba mpya,” alisema.

Kwisha kwa mkataba wa Julio, kulizagaa kwa taarifa kwamba huenda Julio asingeongezewa mkataba. Lakini mwenyewe akasisitiza ataendelea kusubiri kauli ya uongozi wa Simba na asingekuwa na hofu kama angeachwa.