SIMBA YATANGAZA KUMPELEKA KIGGI MAKASI INDIA

Kiggi (wa tatu kushoto) akiwa na Simba nchini Oman

Uongozi wa klabu ya Simba ya jijini Dar umeibuka na kusema kuwa unatarajia kumpeleka nchini India mchezaji wao Kiggi Makasi.

Kigi amekuwa akisumbuliwa na goti la mguu wa kushoto kwa muda mrefu ambapo amekuwa akirushwarushwa juu ya kupelekwa huko.

Akizungumza na Championi Ijumaa, Ofisa Habari wa Simba, Ezekiel Kamwaga amesema timu ya madaktari wa Klabu ya Simba wapo katika mchakato wa kusaka ‘appointment’ nchini India ili waweze kumsafirisha mchezaji huyo.

“Timu ya kitabibu ya Simba ipo katika mchakato wa kupata “appointment” nchini India kwa ajili ya kumsafirisha Kigi ili aweze kupata matibabu nchini humo,” alisema Kamwaga.

Kiggi aliumia wakati timu hiyo ilipokuwa ikicheza mechi ya kirafiki dhidi ya CDA ya Dodoma.

Lakini uongozi wa Simba umekuwa ukisuasua kuhusu kumpatia matibabu kijana huyo aliyejiunga nao akitokea Yanga.

Kelele za wadau zimekuwa kubwa kuhusiana na suala hilo na kuutaka uongozi wa Simba kufanya jitihada.