BARCELONA YAICHAPA SANTOS 8-0, MESSI ANG’ARA, SHABIKI AVAMIA UWANJANI AKITAKA KUMCHAPA NEYMAR

Barcelona imeitandika Santos 8-0 katika mechi ya kirafiki iliyochezwa kwenye Uwanja wake wa nyumba wa Cam Npu.

Mechi hiyo ya kupasha misuli ya Kombe la Joan Gamper, Barcelona ilionekana kiwembe na kuendeleza adhabu za kutisha katika mechi zao za kirafiki.

Mshambuliaji Neymar aliyesajiliwa kwa kitita cha pauni milioni 48.6, aliiongoza Barcelona kuiua timu yake ya zamani lakini Lionel Messi akang’ara zaidi.

Alexis Sanchez, Pedrona Lionel Messi ndiyo waliofunga mabao matatu ya mwanzo katika kipindi cha kwanza, halafu Messi akatoa pasi ya mabao mawili kwa Adriano na Jean Marie Dongou, kabla ya Fabregas aliyetokea benchi kupachika mengine mawili.

Neymar alikuwa katika wakati mgumu baada ya shabiki mmoja kuvamia uwanja huku akitaka kumvamia na kumtandika.

Hata hivyo walinzi waliwahi lakini shabiki huyo aliendelea kutoa lugha kali kwa Neymar na haikujulikana mara moja tatizo lilikuwa ni nini.