 |
| BOBAN AKIMILIKI MPIRA MBELE YA MABEKI WA OLJORO...picha na Coastal Union |
Kiungo nyota wa Coastal Union wa Simba, Haruna Moshi
‘Boban’ yuko katika hali nzuri kabla ya mechi ya keshokutwa dhidi ya Yanga
kwenye Uwanja wa Taifa jijini Dar.
Kocha Mkuu wa Coastal Union, Hemed Morocco amesema
kikosi chake kipo kamili.
“Wachezaji wote akiwemo Boban wanaendelea vizuri,
tunaendelea na maandalizi ya mwisho kabla ya mechi. Tunajua itakuwa ngumu na
tunaheshimu uwezo wa Yanga, lakini tunachotaka ni kupambana na kupata ushindi
kwa kuwa tuna kikosi bora,” alisema Morocco.
Coastal Union ilianza ligi hiyo kwa ushindi wa mabao
2-0 dhidi ya JKT Oljoro, maana yake ngome inayoongozwa na Juma Nyosso
haijaruhusu hata bao moja.
Mechi hiyo inatarajia kuwa na upinzani mkali na
burudani kutokana na wachezaji kila upande kuonyesha wamepania kushinda.
Kila timu tayari ina pointi tatu kwa kuwa mabingwa
Yanga walianza na ushindi wa mabao 5-1 dhidi ya Ashanti United iliyorejea ligi
kuu msimu huu.
0 COMMENTS:
Post a Comment