COASTAL YATAMBA KUANZA LIGI KWA USHINDI KESHO

 

KIKOSI KIPYA CHA WAGOSI WA KAYA..

Coastal Union maarufu kama Wagosi wa Kaya wametamba kuanza ligi kwa kishindo.

Mechi yao ya kwanza itakuwa kesho ugenini mjini Arusha dhidi ya wenyeji JKT Oljoro.

Mkurugenzi wa Ufundi, Nassor Bin Slum ametamba kwamba kikosi chao kipo imara.

“Lengo letu ni kuanza vizuri, uwezo na nia ya kufanya hivyo tunayo,” alisema Bin Slum.

Coastal Union inaundwa na kikosi cha wachezaji wengi wakongwe kwenye Ligi Kuu Bara.

Baadhi yao ni Haruna Moshi ‘Boban’, Juma Nyosso na nahodha Mkenya, Jerry Santo ambao wote wamewahi kucheza Simba.

Lakini ina wachezaji mmoja kutoka Kenya, mwingine Uganda ambao wanafanya kikosi cha Coastal kuwa moja ya timu zinazopewa nafasi ya kufanya vizuri katika ligi hiyo, ingawa majibu yataanza kupatikana baada ya mechi kuanza kuchezwa.