WARUNDI WA SIMBA HAWAJAPATA UHAMISHO WA KIMATAIFA

DEMUNGA (KUSHOTO) AKIWA NA BEKI WA ZAMANI WA SIMBA, AMRI SAIDI 'MZARAMO' AU SAM

Mambo yanaonekana si mazuri kwa kuwa hadi jioni hii, uongozi wa Simba ulikuwa umeshindwa kupata uhamisho wa kimataifa (ITC) wa wachezaji wake wawili Gilbert Kaze ‘Demunga’ na Amis Tambwe.

Wachezaji hao kutoka Burundi waliwasili juzi na kujiunga na timu hiyo mjini Shinyanga.

Hata hawakuwa tayari wamepata ITC na uongozi wa Simba ulikuwa ukihaha kuipata.

Mmoja wa viongozi amezungumza na Salehjembe na kusema suala hilo limekuwa ni siri kwa kuwa bado wanashughulikia.

"Hatupendi liwe kubwa, tunataka tulimalize kwanza. Kweli hatujapata hadi sasa lakini bado tuna matumaini watacheza mechi ya kesho dhidi ya Rhino hapa Tabora," alisema.

Awali kulikuwa na taarifa kwamba uongozi wa Vital’O, timu waliyotoka ulitamba kutotoa ITC hadi ulipwe dola 5,000.

Pamoja na kwamba walikuwa wamemaliza mkataba, uongozi wa Simba ulikubali kufanya hivyo, lakini bado ulikuwa haujapata ITC hiyo hadi leo jioni.