DAKTARI SIMBA AMPUMZISHA MOMBEKI APATE MATIBABU...

Mshambuliaji mpya wa Simba, Betram Mombeki, ameondolewa kwenye kikosi cha timu hiyo kinachojiandaa na Ligi Kuu Tanzania Bara.

Mombeki alijiunga na timu hiyo kwenye msimu huu wa Ligi Kuu Tanzania Bara akitokea Pamba ya Mwanza inayoshiriki Ligi Daraja la Kwanza lakini hadi sasa bado hajafanya mambo makubwa.

Akizungumza na Championi Jumatano, Daktari Mkuu wa timu hiyo, Yasin Gembe, alisema mshambuliaji huyo yupo nje ya uwanja kutokana na kuugua malaria.

Gembe alisema afya ya mshambuliaji huyo inaendelea vizuri hivi sasa huku akiendelea na dozi yake ya malaria.

“Mombeki nimemuondoa kikosini kutokana na kuugua malaria aliyoipata hivi karibuni na hivi sasa anaendelea na dozi.

“Anaendelea vizuri na hivi karibuni anatarajiwa kuanza mazoezi mepesi binafsi na wenzake kabla ya kuanza magumu,” alisema Gembe.