MAYWEATHER AHOJI REKODI YA MPINZANI WAKE NA KUSEMA NI UA UJANJA

Bondia Floyd Mayweather Jr amehoji kuhusiana na rekodi ya bondia atakayepambana naye Septemba 14, mwaka huu na kusema ni magumashi.

Mayweather amesema rekodi ya mpinzani wake, Canelo Alvarez inaonyesha hajawahi kupigwa lakini alipigana na mabondia wa viwango vya chini.

Amesema Alvarez raia wa Mexico amekuwa akipigana na mabondia daraja la C na D.

“Mimi napigana na mabondia wa daraja A, rekodi yangu ya kutopigwa hauwezi kuilinganisha na ya kwake,” alisema.

“Sidhani kama anaweza kujisifia kuwa ni kati ya mabondia ambao hawajawahi kupigwa. Angalia amepigana na kina nani.

“Siku ya pambano nitamuonyesha namna bondia kiboko ya wale wa daraja la kwanza anapigana vipi,” alisema Mayweather akionyesha kujiamini kama ilivyo kawaida yake.

Mayweather hayawaji kupoteza hata pambano moja na amekuwa mmoja wa mabondia wakali na wenye rekodi ya aina yake katika mchezo wa ngumi za kulipwa duniani.