NSAJIGWA AWEKA IMANI NA LIPULI YA IRINGA

 

NSAJIGWA NA KIKOSI CHAKE CHA LIPULI..

Kocha wa Lipuli ya Iringa, Shadrack Nsajigwa amesema ana imani kikosi chake kitakaa vizuri.

Nsajigwa amesema ana imani kubwa kwa kuwa wamekuwa wakifanya marekebisho kila wanapocheza mechi za kirafiki. Kikosi chake kinashiriki Ligi Daraja la Kwanza Tanzania Bara.

“Kikubwa uongozi umetusaidia kupata mechi za kirafiki ndiyo maana tukasafiri hadi Dar es Salaam.

LIPULI

“Tumekuwa tukijifunza kila tunapocheza bila ya kujali tumeshinda au kupoteza mchezo.

“Kikosi changu kina mchanganyiko wa wakongwe na damu changa na mechi hizi zinatusaidia kukijenga,” alisema Nsajigwa aliyekuwa nahodha wa Yanga na timu ya taifa, Taifa Stars.

Mechi ya mwisho ya kirafiki ya Lipuli ilikuwa jana ilipocheza na Simba kwenye Uwanja wa Kinesi jijini Dar na kulala kwa mabao 2-0.

Baadhi ya wakongwe walio katika kikosi hicho ni Godfrey Bonny aliyewahi kucheza Yanga pamoja na Nsajigwa.