SIMBA YAILIPUA LIPULI YA NSAJIGWA

 

KAHEZA (KULIA) ALIYEFUNGA BAO LA PILI LEO. PICHA NA MAKTABA

Simba imeendeleza ushindi katika mechi zake za kirafiki baada ya kuilipua Lipuli ya Iringa kwa mabao 2-0.

Katika mechi iliyochezwa kwenye Uwanja wa Kinesi jijini Dar es Salaam, leo, Simba ilipata mabao yake yote mawili katika kipindi cha kwanza.

Mabao ya Simba yalifungwa na chipukizi wake Rashid Ismail Mkoko katika dakika ya 24 kabla ya Marcel Kaheza kufunga la pili katika dakika ya 28.

 

Lipuli inayoshiriki Ligi Daraja la Kwanza inanolewa na beki wa zamani wa Yanga, Shadrack Nsajigwa.

Pamoja na kuwa daraja la chini lakini Lipuli ilionyesha soka la ushindani na kutoa upinzani mkubwa kwa Simba.

Nsajigwa alisema wataendelea kucheza mechi kadhaa za kirafiki kwa lengo la kuandaa kikosi chao.