ALIYEPIGWA NA YANGA, APEWA MECHI YA JUMAPILI, ATAKUTANA TENA NA ‘MBAYA’ WAKE NIYONZIMA

Yule mwamuzi aliyekutana na kipigo kutoka kwa wachezaji wa Yanga huku beki Stephano Mwasyika akimchapa konde kali, ndiye atakayechezesha mechi ya watani Jumapili.

Israel Nkongo amepewa kazi ya kuamua mechi hiyo yenye presha kubwa itakayopigwa kwenye Uwanja wa Taifa jijini Dar, Jumapili.

Tafrani lilianza baada ya Nkongo kumlamba Haruna Niyonzima kadi nyekundu ya pili na kumtoa nje.

Kutokana na kumpiga Nkongo, Simba walikuwa wakiwatania Yanga kuwa ni mabondia na kila walipopoteza mchezo, basi waliimba kuashiria hawajui mpira na badala yake ni ugomvi.

Mwamuzi huyo ambaye kitaaluma ni mwalimu, wakati alilazimika kujichimbia na baadhi ya mashabiki wa Yanga walikuwa wakimpa vitisho.

Lakini baadaye aliendelea na shughuli zake kama kawaida akionekana kusahau katika mechi dhidi ya Azam FC ambayo Yanga ililala kwa mabao 3-1.