KOCHA PRISONS ALIA KIPIGO CHA ASHANTI, ASEMA WALIZEMBEA

JUMANNE CHALE

Kocha wa Prisons wa Mbeya, Jumanne Chale amesema kipigo walichokipata cha mabao 2-1 dhidi ya Ashanti United leo ni uzembe.

Chale amesema kikosi chake ni bora na kilikuwa na uwezo wa kushinda mechi hiyo kama wangejituma.

“Tulitakiwa kujituma na kujua kwamba tuna uwezo na kikosi kizuri, tumezembea na hili ni fundisho,” alisema.

Lakini awali, kocha huyo alionyesha kutofurahishwa na hali ya mwamuzi kwamba alionekana kuwaminya kiana.

Ashanti United imeibuka na kushinda mechi ya pili huku ikiwashtua wengi, kwani ilikuwa haijashinda mechi yeyote tokea kuanza kwa ligi hadi ilipoichapa Coastal Union kwa idadi hiyo ya mabao.