BEKI NGANGARI WA RUVU SHOOTING AUKUBALI MZIKI WA MWOMBEKI

 

MICHAEL AKICHUANA NA MWOMBEKI

 Beki tegemeo wa kati wa Ruvu Shooting, George Michael amekiri kwamba mziki wa mshambuliaji wa Simba, Betram Mwombeki ni kiboko.

Michael amesema kati ya washambuliaji wenye nguvu ambao amewahi kukutana nao ni Mwombeki.

Wawili hao walikutana wakati timu hizo zilipotoka sare ya mabao 1-1 kwenye Uwanja wa Taifa jijini Dar, Jumamosi.

“Kweli yule jamaa yuko fiti sana, alinipa wakati mgumu kuliko nilivyotegemea,” alisema.

Wakati Michael alikuwa akihofiwa na wachezaji wa Yanga wiki moja timu hizo zilipokutana, mara kadhaa alijikuta akienda chini alipopambana na Mwombeki.