RUVU SHOOTING YAISHIKILIA SIMBA, TAMBWE AFUNGA BAO LA KUSAWAZISHA

Simba imebanwa na Ruvu Shooting katika mechi ya Lgi Kuu ya Vodacom kwenye Uwanja wa Taifa, hadi sasa timu hizo matokeo ni bao 1-1.

Ruvu Shooting walikuwa wa kwanza kupata bao katika dakika ya 8 kupitia kwa Said Dilunga na likadumu hadi mapumziko.

Simba walisawazisha kwa mkwaju wa penalti katika dakika ya 53 mfungaji akiwa Amissi Tambwe.

Beki George Michael alimsukuma Betram Mwobeki ndani ya eneo la 18, mwamuzi akapuliza filimbi kuadhiria mkwaju huo.

Wachezaji wa Ruvu Shooting walionekana kutokukubaliana naye na ilichukua takribani dakika moja hadi mkwaju huo ulipopigwa kifundi na Mrundi huyo na kujaa wavuni.

Pamoja na mabadiliko kutoka kila upande, mwisho timu hizo hazikuweza kupata mabao ingawa Shooting walipoteza nafasi nyingi za wazi.