Kiungo nyota wa Barcelona, Cesc Fabregas amesema mshambuliaji
wa timu hiyo, Lionel Messi anahitaji kupumzika.
Fabregas amesema Messi amecheza mechi nyingi sana kwa
kujituma hali ambayo imekuwa ikisababisha aumie karibu kila mara.
“Anahitaji kupumzika hata kidogo kabla ya kurejea akiwa
katika hali nzuri, amechoka na utaona siku zote ni mchezaji wmenye juhudi kubwa
uwanjani na wengi wanataka kumzuia.
“Hali kama hiyo iliwahi kunitokea wakati nikiwa Arsenal,
kwa kiasi kikubwa inachanganya na hasa usipotulia,” alisema.
Hivi karibuni Messi amekuwa akiumia mfululizo, hali
inayosababisha aendelee kuwa gumzo kama kweli atafanya vziuri katika misimu
inayokuja.
Tayari Kocha Mkuu wa Argentina, Alejandro Sabella ameishatangaza
kwamba kutokana na hali yake sasa, huenda akamuacha Messi katika kikosi chake
wiki hii kwa ajili ya mechi ya kirafiki.
0 COMMENTS:
Post a Comment