YANGA YAENDELEA NA MAZOEZI, OKWI, KIIZA, MBUYU TWITE WAKOSEKANA

Mabingwa wa Tanzania, Yanga wameendelea na mazoezi kwenye Uwanja wa Bora Kijitonyama jijini Dar es Salaam chini ya kocha wao Fred Felix Minziro.

 

Ingawa kumekuwa na taarifa za nafasi ya Minziro kuchukuliwa na Charles Boniface Mkwasa, lakini kocha huyo ameendelea kuwafua wachezaji hao.

Minziro ameendelea na kazi huku nyota kadhaa wakikosekana na wameelezwa kuwa na udhuru.

Ambao hawakutokea ni pamoja na Emmanuel Okwi, Hamis Kiiza, Mbuyu Twite ambao wote ni wachezaji wa kimataifa.

Wachezaji wengine wageni wa Yanga ni Didier Kavumbagu na Haruna Niyonzima ambao walikuwepo na kushiriki mazoezi vilivyo.