KIJUSO WA MBEYA CITY ALAMBA KING'AMUZI MAPINDUZI CUP

KIJUSO, WAKATI AKIWA SIMBA

Mshambuliaji wa Mbeya City, Mohamed Said Kijuso amekabidhiwa king’amuzi na wadhamini wa Kombe la Mapinduzi kutokana na kuwa mchezaji wa kwanza kufunga bao kwenye Uwanja wa Gombani, juzi.

Mbeya City ilipata sare ya 1-1 dhidi ya Clove Stars, hivyo wadhamini wa michuano hiyo, Azam TV wakamzawadia straika huyo mkongwe ambaye alifunga katika dakika ya 14 King’amuzi hicho.

Kijuso ameliambia gazeti hili kuwa amejisikia furaha kubwa japokuwa timu yake haikushinda mechi hiyo. “Nimefarijika sana kuweza kuipatia timu yangu bao pekee katika mchezo huo. Mechi ilikuwa nzuri lakini jamaa walitukamia sana,” alisema Kijuso.