LUHENDE ROHO KWATU KUKIPIGA NAMBA 11

Beki wa Yanga, David Luhende, amesema anafurahi baada ya kocha wake, Hans van Der Pluijm, kumpanga namba 11.

Katika mchezo wa juzi wa Ligi Kuu ya Tanzania Bara, Luhende alicheza namba hiyo badala ya beki wa pembeni ambayo alikuwa akicheza awali.

Luhende alianza kucheza namba 11 katika mechi ya kwanza ya mzunguko wa pili wa Ligi Kuu Bara dhidi ya Ashanti United.

Luhende amesema kuwa amefurahia namba hiyo na anaamini kuwa atapata nayo mafanikio makubwa.

 “Nimefarahi kuicheza nafasi hii ya kiungo mshambuliaji ambayo zamani ndiyo nilikuwa naichezea, lakini nilibadilishwa na kuwa beki kipindi fulani lakini nitajitahidi ili kuweza kuendelea kuimudu vizuri.

“Nitajituma zaidi kuhakikisha timu yangu inafanya vyema mzunguko huu, japo bado ushindani unaonekana ni mkubwa sana katika ligi lakini inabidi kujituma ili tuweze kufanya vizuri,” alisema Luhende.