YANGA YAANZA NA USHINDI KAMBI YA UTURUKI

Yanga imeanza vizuri kambi yake ya mazoezi nchini Uturuki baada ya kushinda kwa mabao 3-0 dhidi ya Ankara Sekerspor katika mechi ya kirafiki iliyochezwa leo mjini Antalya.

Mabao ya Yanga katika mechi hiyo yalifungwa na wachezaji watatu wa kimataifa, Hamis Kiiza na Emmanuel Okwi (wote raia wa Uganda) na Didier Kavumbagu raia wa Burundi.

Mechi hiyo ilikuwa na upinzani mkali kutokana na wenyeji hao kutumia nguvu zaidi na pia muonekano wa maumbo yao.

Lakini wachezaji wa Yanga walionekana kucheza mpira wa chinichini na pasi za haraka na kuwadhibiti vilivyo hadi walipoanza kuwadondoshea bao moja moja.