MOYES AELEZA NINI CHA KUFANYA ILI KUISHINDA BAYERN KESHO

Kocha David Moyes amesema kikosi chake lazima kiwe katika kiwango cha juu kuifunga Bayern Munich, kesho.

United wanawavaa mabingwa hao wa Ulaya katika mechi ya robo fainali ya Ligi ya Mabingwa Ulaya, wao wakiwa nyumbani.

Moyes amesisitiza ni lazima wacheze katika kiwango cha juu ndiyo wataweza kuwashinda mabingwa hao ambao ndiyo timu tishio zaidi.

Moja ya mechi za Ligi ya Mabingwa Ulaya inayosubiriwa kwa hamu ni kati ya timu hizo mbili huku wengi wakiwapa nafasi mabingwa hao kutoka Ujerumani.

Man United wamekuwa wakiendelea na mazoezi kama kawaida kuhakikisha wanafanya vizuri katika mechi hiyo.