RAGE ASISITIZA HATOGOMBEA, AOMBA KUPIGA PICHA NA DALALI, AMKUMBATIA KABURU!

Aliyewahi kuwa Mwenyekiti wa Simba, Hassan Dalali anayeaminika kuwa kiongozi anayependwa zaidi na wanachama wa klabu hiyo katika kipindi hiki, leo alikutana na Mwenyekiti wa sasa, Ismail Aden Rage na kupiga stori sana.

Rage aliomba kupiga picga na Dalali na kusema alichangia yeye kuingia kugombea uenyekiti wa Simba, lakini leo alitangaza kwa mara nyingine kwamba hatogombea tena nafasi hiyo katika uchaguzi wa Mei 4, mwaka huu.

RAGE AKIWA NA DALALI

RAGE AKIKUMBATIANA NA KABURU

Viongozi hao wamekutana leo kwenye mkutano wa marekebisho ya katiba ya Simba uliofanyika kwenye Ukumbi wa Maofisa wa Pilisi Oysterbay jijini Dar es Salaam.

Pamoja na hivyo, Rage alikumbatiana na aliyekuwa makamu mwenyekiti wakati wa uongozi wake, Geofrey Nyange ‘Kaburu’ ambaye ilielezwa wamekuwa wapinzani kwa kipindi sasa.

Rage na Kaburu, ingawa wamekuwa hawaonyeshi, lakini wamekuwa hawaelewani kutokana na mitazamo ya kimaendeleo, hali iliyochangia Kaburu kuamua kuachia ngazi kwa manufaa ya klabu hiyo.

Lakini leo walikumbatiana, wakazungumza wakionyesha kubadilishana mawazo halafu kwa pamoja wakapiga picha.