BONDIA ALIYEAMUA KUZICHAPA NJE YA ULINGO AFUNGIWA MIEZI SITA

MBELWA AKIJARIBU KUTEREMKA ULINGONI ILI KUMFUATA NYILAWILA WAZICHAPE KAVUKAVU.

Vyama vya ngumi za kulipwa Tanzania vimekutana na kwa pamoja kukubaliana kumfungia bondia Said Mbelwa kwa miezi sita.

Mbelwa alianzisha fujo na kutoka nje ya ulingo na kutaka kuzichapa na Karama Nyilawila.

Katika pambano hilo kuwania ubingwa wa UBO kwenye Ukumbi wa Friends Corner, Manzese jiji Dar es Salaam.

Pambano hilo lilivunjika Nyilawila akiwa anaongoza, Mbelwa akadai alipigwa kichwa.

Lakini baadaye Nyilawila naye alipigwa chupa na shabiki aliyedaiwa kuwa wa Mbelwa.

Pia mabondia maarufu Mada Maugo na Thomas Mashali ambao walikuwa watazamaji walizichapa kavukavu.

Katibu Mkuu wa PST, Anthony Rutta amethibitisha kusimamishwa kwa Mbelwa kwa miezi sita kuanzia wiki iliyopita siku aliyofanya vurugu.