EVANS AVEVA AWEKA REKODI KUCHUKUA FOMU ZA URAIS SIMBA

Mgombea wa kwanza kuchukua fomu ya kwanza ya kugombea nafasi ya urais katika klabu ya Simba amekuwa Evans Aveva.

Aveva ameweka rekodi ya kuwa wa kwanza kuchukua fomu hiyo, lakini ameweka rekodi ya kusindikizwa na watu wengi zaidi.

Aveva amechukua fomu hiyo kwenye makao makuu ya klabu ya Simba, barabara ya Msimbazi jijini Dar es Salaam huku akisindikizwa na kundi kubwa la wanachama na mashabiki wa Simba.

Maandamano ya kumpeleka Msimbazi yalianzia katikati ya jiji la Dar hadi Kariakoo huku Aveva akiwa kwenye gari la wazi.

\Aveva ambaye amekuwa Simba kwa zaidi ya miaka 20, huk akiongoza kamati kadhaa ikiwemo ya usajili alionyesha ni mwenye fuaha sana.

“Nashukuru sana, nimechukua fomu kwa kuwa ni haki yangu, lakini nataka kuitumikia Simba na mapokezi huku wanachama na mashabiki wakinisindikiza kwa wingi imenipa nguvu.

“Sitapenda niseme mengi lakini matarajio yangu ni kufanya vizuri kwenye uchaguzi na pia kupambana kuleta mabadiliko Simba,” alisema.

Aveva ndiye aneyepewa nafasi kubwa zaidi ingawa haijajulikana nani mwingine atachukua nafasi hiyo.

Hata hivyo wanachama waliokuwa wameandamana walionyesha kutaka uchaguzi ufike haraka.

“Uchaguzi ni Juni 29, ila tunatamani ufike leo, tunataka kumpa nafasi Aveva, kweli tumechoka kunyanyaswa.

“Simba leo hatuna tofauti na JKT, uongozi uliokuwepo umetuumiza vya kutosha. Tumevumilia sana, sasa acha tumpe Aveva,” alisema mmoja wanachama waliokuwa kwenye pikipiki akijitambulisha kwa jina la Said.