HATIMAYE VAN GAAL ATWISHWA ZIGO LA MOYES, NDIYE KOCHA MPYA UNITED

Manchester United imempa Louis van Gaal mkataba wa kuinoa timu yake na amechukua rasmi nafasi ya David Moyes, aliyetimuliwa mwezi uliopita.

Mholanzi huyo amesaini mkataba wa miaka mitatu na Old Trafford na msaidizi wake atakuwa mchezaji mkongwe zaidi wa United, Ryan Giggs.

Tayari Giggs ameeleza uamuzi wake wa kustaafu kuichezea United ambayo alijiunga nayo tokea akiwa mtoto.

Wengine watakaounda benchi la ufundi la United ni Frans Hoek na Marcel Bout/

Van Gaal kwa sasa ni kocha wa timu ya taifa ya Uholanzi na amekuwa kocha wa kwanza kutoka nje ya Uingereza kuifundisha Manchester United.

Kabla ya Moyes kutoka Scotland iliyo ndani ya Uingereza, kocha mwingine alikuwa Alex Ferguson ambaye alitokea Scotland pia.