LOGARUSIC AACHA SIKIO MOJA KWENYE UCHAGUZI

Kocha wa Simba, Zdrako Logarusic amesema pamoja na kuwa mbali lakini amekuwa akiufuatilia uchaguzi wa Simba kwa karibu sana.

Logarusic ameimbia SALEHJEMBE, pamoja na kuwa Croatia ambako ni mbali na Tanzania lakini sikio lake moja ameliacha kwenye uchaguzi wa Simba.

"Nafuatilia kwa karibu sana, najua karibu kila kinachoendelea. Lengo langu ni kujua nini kimefanyika na lini tutaanza kazi.

"Simba walinipa ahadi kuwa ni baada ya uchaguzi, lakini huku sijakaa tu, lazima nijue uchaguzi umefikia wapi.

"Hivyo ninchofanya kufuatilia ili nijue kama uongozi ukipatikana na wakawa bado wananihitaji, kipi cha kufanya," alisema.

Simba ilimlipa Logarusic dola 8,000 kabla ya kuondoka nchini itumike kama kishika uchumba.