WANYAMA ATAKA KENYA WASIJUTE NA USHINDI WA BAO 1-0 DHIDI YA COMORO

Nahodha wa Kenya, Victor Wanyama Mugubi amesema Harambee Stars bado ina nafasi ya kusonga mbele dhidi ya Comoro.

Ushindi wa bao 1-0 dhidi ya Comoro jijini Nairobi umeonekana kuwahistua Wakenya na kusababisha waingie hofu.

Lakini Wanyama anayekipiga katika kikosi cha Southhampton cha England amesema bado wana nafasi ya kushinda hata Comoro.

“Mpira una mambo ya kushangaza, hata sisi hatukujua kama Comoro watakuwa wagumu hivi.

“Lakini bora tumeshinda, hauwezi kujua tutafanya nini katika dakika 90 za ugenini.

“Hakuna sababu ya kukata tamaa,” alisema ambaye ni mdogo wake McDonald Mariga.

Kenya inanolowa na Kocha Bora wa Ukanda wa Afrika Mashariki na Kati, Adel Amrouche.