WAMBURA ANARUDI UCHAGUZI SIMBA AU LA, TFF KUPATA JIBU JUMATATU

Kamati ya Rufani ya Uchaguzi ya Shirikisho la Soka (TFF) inakaa Jumatatu (Juni 9 mwaka huu) kusikiliza rufani moja inayopinga uamuzi wa Kamati ya Uchaguzi ya Simba.

Michael Wambura amewasilisha rufani yake TFF akipinga uamuzi wa Kamati ya Uchaguzi ya Simba iliyomwengua katika kinyang’anyiro cha kuwania urais katika uchaguzi wa klabu hiyo unaotarajiwa kufanyika mwishoni mwa mwezi huu.

Kamati hiyo inayoongozwa na Wakili Julius Lugaziya itakutana saa 5 asubuhi kwenye hoteli ya Courtyard iliyopo Upanga, jijini Dar es Salaam.

Wambura alienguliwa uanachama baada ya kuonekana si mwanachama uamuzi uliotolewa na Kamati ya Uchaguzi ya Simba chini ya mwanasheria maarufu, Dokta Damas Daniel Ndumbaro.