KOCHA STARS ATAHADHARISHA KUWA MSUMBIJI SI LELEMAMA

Kocha Mkuu wa Taifa Stars, Mart Nooij amesema kazi dhidi ya Msumbiji haitakuwa lelemama na kunatakiwa kuwa na maandalizi ya kutosha.

Stars inakutana na Msumbiji katika kuwania kucheza kwenye makundi ya Kombe la Mataifa Afrika litakalofanyika mwakani nchini Morocco.

Nooij aliyewahi kuwa kocha wa Msumbiji amesema wamakonde hao wanaichukulia mechi hiyo kwa uzito wa juu.

“Haitakuwa mechi lahisi kama wengi wanavyodhani, lakini tuna kikosi bora ambacho kinahitaji maandalizi bora.

“Itakuwa ni vita ya kimichezo na lazima tujiandae ili tushinde kwa kuwa Watanzania wanaotuunga mkono wanatak kwenda mbali,” alisema Nooij raia wa Uholanzi.

Stars imefanikiwa kuing’oa Zimbabwe kwa jumla ya mabao 3-2 na sasa inakumbana na Msumbiji katika mechi mbili nyumbani na ugenini kuwania kucheza hatua ya makundi Afcon.