KOCHA WA ZAMANI YANGA AAHIDI KURUDI DAR ES SALAAM

Kocha wa zamani wa Yanga, Hans van Pluijm amesema siku moja atarejea jijini Dar es Salaam.

Akizungumza kutoka Accra, Ghana, Pluijm amesema amekumbuka maisha ya jiji la Dar es Salaam na rafiki zake kibao.

“Ndani ya muda mfupi nilikuwa na rafiki wengi na Dar nilikuwa nimeizoea sana.

“Nililazimika kuondoka kwa kuwa ni kazi, lakini nimepakumbuka sana.

“Siku moja ninaweza kurudi tena, sijajua kama ni kuja kufanya kazi au kuwasajilia rafiki zangu,” alisema Pluijm raia wa Uholanzi.

Pluijm aliinoa Yanga kwa nusu msimu kabla ya kuamua kuondoka kwenda Saudi Arabia ambako amepata mkataba mnono.

Baada ya kuchukua nafasi ya Ernie Brandts katikati ya msimu, Pluijm aliingoza Yanga kushika nafasi ya pili baada ya mabingwa wapya Azam FC.