KUTANA NA BABU ALIYEACHA MATIBABU YA KANSA NA KUMRUDISHA SUAREZ AIUE ENGLAND

 

SUAREZ AKIWAONYESHA MASHABIKI ALIYEMREJESHA UWANJANI.

Babu Walter Ferreira, 63, ndiye aliyefanya kazi kubwa kuhakikisha mshambuliaji nyota wa Uruguay, Luis Suarez anarejea uwanjani.

Kitu kizuri zaidi Ferreira aliamua kuahirisha kwenda kwenye matibabu ya kansa na kuhakikisha anamsaidia Suarez acheze mechi dhidi ya England.

Ferreaira ambaye ni daktari wa viungo alikuwa akimtibu Suarez ikiwa ni pamoja na kusimamia mazoezi yake binafsi kuhakikisha anakuwa fiti.

Muda mwingi, Suarez alikuwa anafanya mazoezi binafsi akiwa chini ya Ferreira ambaye alikubali kuyaweka maisha yake hatarini kuacha kwenda kupata matibabu ya kansa na kuhakikisha Suarez anakuwa fiti.

SUAREZ  NA FERREIRA WAKIWA MAZOEZINI

Katika mechi hiyo Suarez alikuwa shujaa na kufunga mabao mawili yaliyoing’oa rasmi England yenye maneno mengi kwenye michuano hiyo ya Kombe la Dunia.

Suarez alifanyiwa upasuaji wa goti takribani mwezi mmoja na kukawa na hofu kuwa huenda asicheze mechi hiyo.

Mechi ya kwanza Uruguay walikuwa wamepoteza, hivyo walikuwa wanahitaji msaada mkubwa wa Suarez na Ferreira ndiye alifanya kazi hiyo.