LOGARUSIC SASA NI FULL ‘KUVUTA PUMZI’

LOGA AKIWA NJE YA NYUMBANI KWAKE NCHINI CROATIA.

Kocha Zdravko Logarusic amesema anautumia muda wake mwingi zaidi kupumzika kwa kuwa amemaliza mambo mengi ya kujipanga kwa ajili ya msimu mpya.

Loga ambaye sasa yuko mapumzikoni nyumbani kwao Croatia amesema analazimika kupumzika ili aikiingia kazini awe na nguvu kubwa.

“Napumzika sana, sitakiwi kuwa na presha kwa kuwa mambo mengi nimemaliza,” alisema.

“Utakuta nakunywa kahawa, wakati mwingine napiga mazoezi kidogo ili kujiweka fiti.

“Ila mambo mengi nimemaliza kwa ajili ya maandalizi ya msimu ujao kama nitarudi Simba,” alisema.

Logarusic amekuwa akisikilizia uchaguzi wa Simba ingawa amewahi kusema mambo mengi yatashindwa kwenda na wakati kutokana na pilika za uchaguzi.