MZEE SMALL AREJESHWA TENA HOSPITALI

Nguli wa sanaa za maigizo na vichekesho, Said Ngamba maarufu kama Mzee Small ni mgonjwa.

Mzee Small amelezwa kwenye hospitali ya Taifa ya Muhimbili baada ya kuanza kujisikia vibaya leo asubuhi.

Habari za uhakika kutoka katika familia ya Mzee Small zimeeleza, alianza kujisikia vibaya hadi akalazimika kupelekwa hospitali kupata matibabu.

Lakini baadaye akahamishiwa katika hospitali ya Muhimbili ambako amelazwa na anaendelea na matibabu.

Hata hivyo, taarifa zinasema hali yake hasa mchana, haikuwa nzuri sana kwa maana ya kwamba Mzee Small anaumwa.