MZEE SMALL KUZIKWA KESHO TABATA JIJINI DAR

MAREHEMU MZEE SMALL WAKATI WA UHAI WAKE, HAPA AKIWA NA MKEWE PAMOJA NA RAFIKI YAKE SALEH ALLY WAKATI ALIPOMTEMBELEA ALIPOKUWA MNGONJWA. ALIKUWA ANATEMBEA KWA KUJIKOKOTA KUTOKA NA MWILI WAKE KUPOOZA UPANDE MMOJA.

Msanii maarufu wa maigizo, Said Ngamba au Mzee Small atazikwa kesho kwenye makaburi ya Tabata jijini Dar es Salaam.

Msiba wa msanii huyo nguli uko nyumbani kwake Tabata nyuma ya ofisi za Mwananchi, jijini Dar es Salaam.

Mke wa marehemu amesema maandalizi ya msiba huo yanaendelea na wanatarajia kumpumzisha kesho saa 10 jioni.

Mzee Small amefariki dunia jana saa nne usiku katika hospitali ya Muhimbili.