SIMBA YAMNASA BEKI WA KUSHOTO WA KAGERA SUGAR

SHABALALA AKISAINI MBELE YA KABURU, LEO

Simba imeendeleza gurudumu la usajili baada ya kufanikiwa kumsajili beki wa kushoto wa Kagera Sugar.

Mohammed Hussein ‘Shabalala’ amesaini miaka mitatu jioni hii kuichezea Simba.

Zoezi hilo limeongozwa na mmoja wa wajumbe wa Kundi la Friends of Simba (FOS), Geofrey Nyange ‘Kaburu’ ambaye pia ni mgombea wa makamu wa rais.

Huyo ni beki wa pili amesajiliwa na Simba katika kipindi cha siku mbili baada ya kumnasa beki wa Lipuli ya Iringa ambaye yuko kwenye kikosi cha Taifa Stars.