TFF YAMPONGEZA MKWASA KWA KUFUNGUA MILANGO KIMATAIFA

Shirikisho la Soka Tanzania (TFF) limempongeza aliyekuwa kocha msaidizi wa Yanga, Charles Boniface Mkwasa.

Mkwasa amepata nafasi ya kocha msaidizi katika kikosi cha Al Shaolah FC cha Saudi Arabia.

Msemaji wa TFF, Boniface Wambura amesema nafasi hiyo aliyoipata Mkwanza inaweza ikawa ndiyo njia kwa wengine.

“Tunamuombea afanye vizuri zaidi na tunampongeza, tunatambua inaweza kuwa changamoto kwa wengine pia.

“Tunatamani kuona makocha wengi kutoka hapa nchini wanapata nafasi nje,” alisema Wambura.

Kocha Hans van der Pluijm aliyekuwa anainoa Yanga ndiye alimpigia pande hilo Mkwansa ambaye alikuwa msaidizi wake.