KOCHA SIMBA AHAMA NCHI, AENDA KUJIRUSHA

Kocha Mkuu wa Simba, Zdravko Logarusic amehama nchini kwake Croatia kwa muda.

Akizungumza na SALEHJEMBE, Loga amesema ameamua kwenda nchi ya jirani ya Bosnia and Herzogovina ambaye ‘atakula maisha’.

“Najua nikirudi Simba kutakuwa na kazi nyingi sana, kuna mambo kadhaa ya kufanya hivyo nahitaji kupumzika kwa sasa.

“Nataka nikirudi tu Croatia, kama nitakuwa narudi Simba basi niwe katika hali nzuri ya kukimbizana,” alisema akiwa nchini kwenda Bosnia and Herzogovina.

Simba ilimpa Loga dola 8,000 kama ‘kishika uchumba’ ili asisajili katika kikosi kingine chochote wakati wanaendelea na usajili.

Lakini katika kipindi hiki, tayari kamati ya usajili chini ya Zacharia Hans Poppe imeishaanza usajili na kuna taarifa ndani ya siku chache Logarusic atarejea.