WAMBURA, WAMBURA LAKINI BADO HAKIJAELEWEKA

Hali ya kutaka kujua kuwa mgombea wa urais wa Simba, Michael Wambura aliyeenguliwa baada ya kubainika si mwanachama amerudishwa na kamati ya rufaa ya TFF imekuwa kubwa.

Inaonekana ni hali ya kila mmoja kutaka kujua kuhusiana na Wambura amerudishwa au la.

Gumzo kwa masaa manne kuanzia saa 10 jioni, imekuwa ni kutaka kujua kuhusiana na Wambura ambaye rufaa yake ilikuwa inasikilizwa leo.

Lakini taarifa ilizozipata blogu hii pamoja na kuwa na tetesi ambazo si rasmi kuwa Wambura amerudisha, lakini ukweli bado mambo ni magumu.

Kamati hiyo ilikuwa ikiendelea kujadili kuhusiana na suala hilo huku waliopinga nao wanatoa maelezo yao na Wambura akipewa nafasi ya kujibu.

Chanzo cha kwanza kimesema Wambura anakaribia kurudishwa, lakini kingine kimeeleza kuwa inaonekana uamuzi wa kamati ya uchaguzi ya Simba ulikuwa sawa, hivyo unaipa kazi kubwa kamati ya rufaa kuhusiana na hilo na huenda inataka kupindisha.

Hivyo bado hali ni ngumu na majibu sahihi bado hayajapatikana na huenda mambo yanaweza yakaendelea tena kesho.

Lakini uhakika wa kupata majibu ya kilichojadiliwa na uamuzi ni nini itakuwa kesho.

Bado tunaendelea kufuatilia kujua kuhusiana na hilo.