BONGE LA MTU, SALUM SUED KUSI ASTAAFU SOKA

KUSI WAKATI AKIITUMIKIA MTIBWA SUGAR

Beki wa Mtibwa Sugar, Salum Sued ‘Kussi’, ametangaza kustaafu rasmi soka baada ya kucheza kwa zaidi ya miaka 15.

Sued aliyewahi kuzichezea Yanga na Azam kwa nyakati tofauti, alitoa tamko lake hilo kwa kusema anahitaji kupumzika na kuangalia maisha mengine ya upande wa pili.

“Si kwamba nimestaafu kwa shinikizo la mtu, hapana, ni mimi mwenyewe nimeamua kufanya hivyo baada ya kuona umri umekwenda, nahitaji kuwapa nafasi wengine na kupumzika.

“Nitakuwa nikifanya mazoezi kwenye timu ya maveterani ya Golden Bush,” alisema Sued aliyeainisha kuwa alizaliwa Desemba 3, 1980.